Móttaka Fáks- og Sörlakvenna verður föstudaginn 19. apríl. Sprettskonur ríða á móti Fáks- og Sörlakonum en lagt verður af stað frá Heimsenda, klukkan 18:30. Áætlað er að hittast í Tunguhvammi en þar er bæði áning og góður bali til að spjalla og hvíla hross. Fákskonur ríða ausan við Elliðavatn og í Vatnsvíkinni ríða þær upp löngu brekkuna og til vinstri niður í Tunguhvamm. Sörlakonur koma ríðandi Tungustíginn undir Hjöllunum beint í Tunguhvamm. Sjá leiðina betur á meðfylgjandi korti.

Stefnt er á að vera mættar í matinn í gamla félagsheimili Andvara klukkan 19:30. Þær konur sem ekki hafa hugsað sér að mæta í reiðina eru að sjálfsögðu velkomnar í matinn. Maturinn kostar 1500 krónur fyrir hverja konu en æskilegt er að greiða með peningum.

Vinsamlegast tilkynnið þátttöku eigi síðar en fyrir miðvikudaginn 17. apríl til Jóhönnu Elku (This email address is being protected from spambots. You need JavaScript enabled to view it., s: 8611186), Ingibjörgu (This email address is being protected from spambots. You need JavaScript enabled to view it.) eða Andreu (This email address is being protected from spambots. You need JavaScript enabled to view it.).

Fjölmennum og tökum vel á móti nágrannakonum okkar.

Kvennadeildin