Æskulýðsmótið 1.maí verður með breyttu sniði í ár.

Í stað þess að ríða gæðingaprógram höfum við ákveðið að hafa íþróttakeppni og bjóða upp á allar helstu keppnisgreinarnar.
Íslandsmót veður haldið í júlí á Sprettssvæðinu og í kjölfarið kom þessi hugmynd, að bjóða upp á íþróttakeppni í ár.

Mótið mun fara fram inni í Sprettshöllinni.

Er þetta mót einskonar æfingamót fyrir börn og ungmenni og munu dómarar skrifa umsagnir sem keppendur fá að lokinni keppni.
Þrír dómarar munu dæma mótið. 

Stuðst er við keppnisreglur LH er varða reiðtygi, búnað og aldursflokka og eru keppendur beðnir um að virða þær reglur.

Skráning mun fara fram í gegnum netfang og mun það verða auglýst fljótlega.

Einungis verður riðin forkeppni og fá fyrstu 5 sætin verðlaun en allir fá viðurkenningu fyrir þátttöku.

Flokkar:
Pollar 9 ára og yngri
Börn 10-13 ára á árinu
Unglingar 14-17 ára á árinu
Ungmenni 18-21 ára á árinu

Boðið verður upp á eftirfarandi keppnisgreinar:
T7 Hægt tölt, snúið við og frjáls ferð
T3 Hægt tölt, snúið við, hraðabreytingar, yfirferð
T4 Tölt frjáls ferð, hægt tölt, slakur taumur
V2 Hægt tölt, brokk, fet, stökk, greitt tölt
V5 Frjáls ferð á tölti, brokk, fet og stökk
F2 Tölt, brokk, fet, stökk og skeið