Það verður líf og fjör í Sprettshöllinni í kvöld þegar hin árlega Dymbilvikusýning fer fram. Dagskráin er fjölbreytt og skemmtileg, ræktunarhópar hestamannafélaga keppa sín á milli, hryssur og stóðhestar koma fram og góður hópur ræktunarbúa. Auk þeirra búa sem nefnd voru fyrr í vikunni má nefna Vesturkot, Fornusanda og Laugarbakka. Þá koma afkvæmi Stíganda frá Stóra-Hofi fram og glæsihesturinn Lexus frá Vatnsleysu mun gleðja gesti ásamt knapa sínum Ævari Erni Guðjónssyni. Þorvaldur Árni Þorvaldsson og ofurhryssan Stjarna frá Stóra-Hofi munu líka leika listir sínar og hið svokallaða Mosógengi mætir á svæðið. Þá verður skeið og sitt hvað fleira skemmtilegt í boði.

Miðasala fer fram við innganginn, miðaverð er aðeins kr. 1.500 og frítt fyrir 12 ára og yngri. Veitingasala er á staðnum og tilvalið að byrja páskafríið á að horfa á flott hross í góðum félagsskap. Allir velkomnir!

Ljósmynd: Sæmundur frá Vesturkoti er á meðal þeirra hesta sem koma fram í kvöld. Ljósm.: vesturkot.is