Á laugardaginn 7. mars fer fram opið þrígangsmót Spretts. Mikil skráning er á mótið og er ljóst að spennandi keppni er framundan. Mótið hefst kl. 10 en aðalstyrktaraðili mótsins er Coka-Cola, Vífilfell.

Glæsileg verðlaun verða í boði fyrir þátttakendur en Barki, Lífland, Vistor og Coka Cola gefa vinninga. Einnig eru í verðlaun folatollar undir Ás frá Hofstöðum og Aldur frá Brautarholti. Glæsilegasta par mótsins verður valið úr hópi keppanda. Happdrætti verður á staðnum en áhorfendur og knapar geta unnið verðlaun. 

Það er því nokkuð ljóst að næg verðlaun verða í boði á laugardaginn bæði fyrir knapa og áhorfendur.

Sjáumst hress á laugardaginn í Sprett.