Spurningakeppni hestamannafélaganna verður aftur haldin í haust, keppnin sló í gegn í hittifyrra en ekki náðist að setja hana upp sl haust vegna anna. Sigurvegarar ársins 2012 voru Fáksmenn enda með eðal lið sem skemmti áhorfendum fyrir allan peninginn !

Sprettarar eru ekki komnir með lið, eins og er, en við viljum endilega senda vaska fulltrúa á keppnina. Hér með er óskað eftir aðilum til að taka þátt fyrir hönd Spretts. Liðin samanstanda af 3 félagsmönnum en keppnin fer fram í október - nóvember, en stefnt er að því að keppa á fimmtudagskvöldum í Harðarbóli í Mosfellsbæ.

Dregið verður um hvaða félög etja kappi og fer auðvitað allt eftir því hve margir vilja keppa hve margir fimmtudagar fara í þetta.

Farandbikar er í boði en hann prýðir nú stásstofur Fáks.

Sendið á Helenu upplýsingar um nöfn þeirra þriggja sem munu keppa fyrir hönd félagsins og nafn félags fyrir 1.október á netfangið This email address is being protected from spambots. You need JavaScript enabled to view it.