Firma- og skemmtimót Spretts 2020
Takið fimmtudaginn 21 maí frá.

Firmakeppni Spretts er ein af mikilvægustu tekjuleiðum félagsins og þó fyrirvarinn sé stuttur þá ætlum við í mótanefnd Spretts ásamt Bödda og félögum að blása til sóknar fyrir félagið okkar og safna saman styrkjum og halda skemmtilegt mót.

Þeir/þær sem vilja styrkja mótið er bent á að hafa samband við Bödda í síma 897-7517 eða Lindu Gunnlaugsd í síma 860-9920

Skráningargjöld á firmakeppni eru engin en keppendum er frjálst að borga smá skráningargjald til styrktar félaginu sem hefur verið tekjulaust frá því í byrjun mars.

Boðið verður upp á keppni í eftirfarandi flokkum – í þessari röð:

Kl. 14
í reiðhöll:
Pollar – teymdir og þeir sem ríða sjálfir

Kl. 14:30
á hringvelli:
Börn minna vön (10-13 ára)
Börn (10-13)

á beinu brautinni:
Unglingar (14-17 ára)
Ungmenni (18-21 árs)
Konur 2 (minna keppnisvanar)
Karlar 2 (minna keppnisvanir)
Heldri menn og konur (60 ára +)
Konur 1 (meira keppnisvanar)
Karlar 1 (meira keppnisvanir)
Opinn flokkur

Keppt verður á beinni braut, sýnt hægt tölt og svo yfirferð að eigin vali, tölt, brokk eða skeið.

Skráning og afhending númera fer fram frá klukkan 11-12 í Samskipahöllinni á fimmtudag. Firmanefndin áskilur sér rétt til að sameina flokka ef ekki er næg skráning í einhvern flokkanna. Hver knapi má einungis skrá sig í einn keppnisflokk.

Keppnin hefst svo kl. 14 í reiðhöllinni með pollaflokkunum. Að þeim loknum, kl. 14:30 færist keppnin niður á Samskipavöllinn og fer keppni í öllum öðrum flokkum fram þar.

Keppt er um veglega farandbikara, auk verðlaunapeninga fyrir fimm efstu sætin.

Keppendur eru hvattir til að sýna snyrtimennsku og mæta til leiks í sínu fínasta pússi á þessum hátíðardegi, enda verður glæsilegasta par mótsins valið að venju.

Sprettarar eru hvattir til að taka þátt í þessum skemmtilega degi – sjáumst í sumarskapi á fimmtudag!
Mótanefndin ásamt Bödda og félögum