Firmakeppni Spretts fer fram á sumardaginn fyrsta, fimmtudaginn 21.apríl nk.. Dagskráin hefst með hópreið um hverfið og verður lagt af stað frá Samskipahöllinni kl. 13 og eru félagsmenn hvattir til að taka þátt.
Boðið verður upp á keppni í eftirfarandi flokkum - í þessari röð:

Kl. 14 í reiðhöll:
Pollar – teymdir og þeir sem ríða sjálfir
Kl. 14:30 á hringvellinum
Börn (10-13 ára)
Unglingar (14-17 ára)
Ungmenni (18-21 árs)
Konur 2 (minna keppnisvanar)
Karlar 2 (minna keppnisvanir)
Heldri menn og konur (50 ára +)
Konur 1 (meira keppnisvanar)
Karlar 1 (meira keppnisvanir)
Opinn flokkur

Skráning og afhending númera fer fram frá klukkan 11-12 í Samskipahöllinni á fimmtudag. Engin skráningargjöld eru greidd í firmakeppni, en mótið er fyrir skuldlausa félagsmenn í Spretti eingöngu. Firmanefndin áskilur sér rétt til að sameina flokka ef ekki er næg skráning í einhvern flokkanna.
Hver knapi má einungis skrá sig í einn keppnisflokk.

Keppnin hefst svo kl. 14 í reiðhöllinni með pollaflokkunum. Að þeim loknum, kl. 14:30 færist keppnin niður á hringvöllinn og fer keppni í öllum öðrum flokkum fram þar.
Í flokki barna verður sýnt tölt og brokk, en í öllum öðrum flokkum, tölt, brokk og yfirferðargangur að eigin vali – undir stjórn þular.

Keppt er um veglega farandbikara, auk verðlaunapeninga fyrir fimm efstu sætin.
Keppendur eru hvattir til að sýna snyrtimennsku og mæta til leiks í sínu fínasta pússi á þessum hátíðardegi, enda verður glæsilegasta par mótsins valið að venju.

Sprettarar eru hvattir til að taka þátt í þessum skemmtilega degi – sjáumst í sumarskapi á fimmtudag!