Skráningu fer að ljúka á námskeiðin hjá Hrafnhildi Helgu, námskeiðin hefjast 8.nóvember

Námskeiðin eru með breyttu sniði frá fyrra formi, en núna er námskeiðunum hjá Hrafnhildi skipt í tvennt, annars vegar hringteymingar- og brokkspíruþjálfunarnámskeið þar sem lögð er áhersla á hringteymingarvinnu og hins vegar vinna við hendi námskeið, þar sem lögð er áhersla á vinnu á beisli til að auka skilning fyrir ábendingum þegar farið er í hnakkinn.

Hringteymingar- og brokkspíruþjálfun
Hringteymingarvinna eru frábær tilbreyting í þjálfun hestsins sem stuðlar að bættu jafnvægi, auknum sveigjanleika og réttri vöðvauppbyggingu. Farið verður í hvernig hægt er að notast við hringteymingarvinnu til þess að þjálfa auga knapans við að greina misstyrk og líkamsbeitingu hestsins, ná betri stjórn á yfirlínu og andlegu jafnvægi. Jafnframt hefur brokkspíru- og hindrunarstökksþjálfun fjölmarga ávinninga, s.s. að auka liðleika, styrk og samhæfingu. Slík þjálfun hvetur hestinn til þess að teygja á yfirlínunni, virkja kvið- og kjarnvöðva og hefur einnig jákvæð andleg áhrif þar sem hesturinn verður einbeittari, öruggari og jákvæðari.

Farið er í grunnatriði hringteymingarþjálfunar, notkun hringtaumsbúnaðar og í framhaldi af því í notkun á brokkspírum og litlum hindrunum.

Nemendur mæta með eigin hest og búnað á hestinn. Búnað sem þarf að koma með í fyrsta tíma er snúrumúll, vaður, hringtaumsmúll eða multibridle, reiðtaumur og reiðpískur.
Hámark 3 nemendur í hverjum hóp, 6 skipti.

Námskeiðið hefst mánudaginn 8.nóv og lýkur 13.des
Verð fyrir unglinga og ungmenni er 22.000kr, vinsamlega sendið póst á This email address is being protected from spambots. You need JavaScript enabled to view it. til þess að fá aðstoð við skráningu.
Verð fyrir fullorðna er 29.000kr
Skráning fer fram á www.sportfengur.com

Vinna við hendi
Farið verður í hvernig hægt er að notast við vinnu við hendi til að hjálpa hestinum að skilja grunnábendingar og að ná betri stjórn á yfirlínu og andlegu og líkamlegu jafnvægi. Grundvöllur árangurs er að hesturinn sé sáttur og skilji ábendingar knapans, hvort sem það er frá jörðu eða á baki.

Vinna við hendi hjálpar til við bæta samhæfingu þjálfarans og gefur honum færi á því að sjá hvernig hesturinn bregst við ábendingum og hreyfir fæturnar. Jafnframt hefur slík vinna afar jákvæð áhrif á samband manns og hests, eykur gagnkvæma virðingu og styrkir leiðtogahlutverkið. Farið verður í notkun fimiæfinga frá jörðu og hvaða ávinning þær hafa fyrir hestinn.

Nemendur mæta með eigin hest og búnað. Búnað sem þarf að koma með í fyrsta tíma er snúrumúll, vaður, beisli, reiðtaumur og reiðpískur.

Hámark 5 nemendur saman í hverjum hóp, 6 skipti.

Námskeiðið hefst mánudaginn 8.nóv og lýkur 13.des
Verð fyrir unglinga og ungmenni er 13.500kr, vinsamlega sendið póst á This email address is being protected from spambots. You need JavaScript enabled to view it. til þess að fá aðstoð við skráningu.
Verð fyrir fullorðna er 19.500kr

 

Skráning fer fram á www.sportfengur.com